Naturpakt-Seminar / Grénge Web (Talk)
Seminar “Fërderung vum Natur- a Klimaschutz an de Gemengen”
Mëttwoch, de 17. Mee 2023
vun 8.45 Auer – 16.00 Auer
zu Beetebuerg am Schlass
EBL-Talk: 8h45 – 9h45 “Grénge Web – nohalteg Digitalisatioun” Michel Wilwert
Den Asaz an d’Notze vun den digitale Kommunikatiounsmedien, wéi zB d’Internetsäit vun der Gemeng oder d’Präsenz op de soziale Plattformen, hannerlossen souwuel beim Erstellen ewéi och beim Gebrauch en verstoppten, mee konsequenten ekologesche Foussofdrock. Stroum, Waasser a vill aner Ressourcë ginn an enorme Quantitéite fir d’Verschécken an d’Visualiséiere vun den Date gebraucht. Hei gëtt gewisen, wéi mat konkreten an onkomplizéierte Mesurë eis wäertvoll Ressource geschount an den ekologeschen Impakt reduzéiert ka ginn. Déi geléiert Mesurë kënnen an der Verwaltung wei och am privaten Gebrauch direkt ugewannt ginn.
